مازندنومه، سرویس فرهنگی وهنری: امروز دوم امرداد 1394، برابر هسه با اول فردینه مای 1527 تبری یعنی 1527/1/1 و شروع سال نوی اما مازرونیا.

تبری تقویم، ساسانی تقویم هسته که دِوازّه ما دارنه، همه سی روزه: فردینه ما، کِرچه ما، هَره ما، تیره ما، مِلاره ما، شروینه ما، میره ما، اونه ما، ا‌رکه ما، دِه ما، وَهمِنه ما و نورزما.

اونه ما و ارکه مای میون پنج روز فاصله دَرِه که ونه نوم پَنجِک یا پتک روز جه معروف هَسّه و بِرابِری کِنده خورشیدی سال ِفروردین مای اولین پنج روز ره و اگِر سال کبیسه بوئه ۳۰ اسفند ما ره شیشک گِنّه.

تبری تقویم ِسرسال کبیسه‌گیری چارساله وسّه، شمسی تقویم جه ات‌کمه فرق پیدا کرده، همین وسه زمونی که ۲ مرداد ماه شمسی جه عیدی برسی‌یه، وه ره شمسی تقویم جه هماهنگ هاکردنه و امروز هم شروع سال نوی تبری هسه.

نوسال ما موارک.